Concello de Ponteceso Diputación da Coruña

CONCELLO DE PONTECESO

RSS

Concello :: Novas

Corme terá unha multiárea de caravanas preto da praia da Arnela e o centro urbano

O Alcalde de Ponteceso e o conselleiro de Cultura en funcións, Román Rodríguez González, asinaron onte un convenio entre Turismo de Galicia e o Concello de Ponteceso para construír unha multiárea de servizo para autocaravanas en Corme Porto. Turismo achegará 30.000 euros, o concello 18.345,19 euros máis a redacción e a dirección de obra do proxecto construtivo. A nova área situarase nun terreo cedido ao Concello, non lonxe da praia da Arnela e do pavillón municipal e pista de pádel. A nova área ten que estar rematada, pagada, e xustificado o convenio, o 15 de novembro de 2020. Ata sete autocaravanas van poder realizar o servizo a un tempo.
As 7 prazas para autocaravanas, 5 de 5,5x8,5 m. e 2 de 4x10 m. Para a execución destas prazas realizarase o movemento de terras para a creación das explanadas de aparcamento e un vial de 5,5 m. de anchura que de acceso a ditas prazas.
O pavimento do vial de acceso consistirá en 15 centímetros de grava, rega semiprofunda e 5 centímetros de aglomerado en quente e o pavimento das prazas terá 10 centímetros de zahorra e 12 centímetros de formigón en pavimento con mallazo de 20x20Ø8 mm. Este pavimento terá pendente cara a zona central da praza onde se instalará unha arqueta sumidoiro.
Instalaranse 6 estacións de servizo de augas que disporán de conexión a abastecemento (enchido dos depósitos), e saneamento para a evacuación das augas e grises e negras das autocaravanas. Para o servizo de abastecemento instalaranse 40 m de tubería de PE Ø63, 10A PE50A e 47,5 m tubería de PE Ø32, 10A PE50A de previa instalación de foxo. Ademais, valórase a colocación dunha válvula de comporta, coa arqueta asociada e 6 arquetas con chave de corte.
Para o servizo de saneamento instalaranse 92,5 m. de tubería de Ø200 mm de PVC SN-4 que conducirá as augas á rede xeral. Tamén se instalarán tres pozos de rexistro con tapa D 400, un deles para realizar a conexión a rede xeral. Os desvíos cara as prazas realizaranse con enlaces mediante toma enxerto.
A rede de pluviais executarase con 50 m de tubo de PP corrugado Ø315 mm SN-8 e 30 m. de de tubo de PP corrugado Ø250 mm SN-8 que conectarán cos sumidoiros das prazas. Tamén se instalará unha canaleta con reixa D 400 na conexión do vial de acceso coa Rúa Cubeiro - Completa a obra a reposición dos firmes nos cruce da estrada, a colocación dun sinal de STOP, 2 de sinais informativas de aparcadoiro de autocaravanas e pintado das liñas de bordo e simboloxía do vial de acceso.


Concello de Ponteceso