Concello de Ponteceso

CONCELLO DE PONTECESO

RSS

Concello :: Novas

Asinado o contrato das obras de reforma do campo de fútbol de O Pinguel, nas que investiremos máis de 400.000 euros

A empresa lucense Calfensa Proyectos será a encargada de instalar o novo céspede artificial

Ao campo de fútbol de O Pinguel xa lle queda menos para lucir o novo céspede artificial. Esta semana, o alcalde de Ponteceso, Lois García Carballido, asinou o contrato de execución das obras coa empresa lucense Calfensa Proyectos, adxudicataria do proxecto por 424.710 €.

Os traballos, que darán comezo en breve, consistirán na reforma íntegra do campo municipal e terán un período de execución de 31 días naturais.

Mentres tanto, o principal usuario desta instalación deportiva, o club Ponteceso SD, trasladará a actividade deportiva dos seis equipos das categorías benxamín, alevín, infantil, cadete, xuvenil e sénior aos campos doutros clubs próximos ao noso concello, cos que xa iniciou conversacións para garantir o correcto desenvolvemento, tanto dos adestramentos como dos partidos. Entre os novos destinos, a directiva está a barallar o campo de As Redondas, do Cabana SD, para as categorías inferiores e o Platas Reinoso do CB Baio, para os equipos da categoría sénior, dada a súa dispoñibilidade horaria e proximidade.

Desde o goberno municipal queremos pedir desculpas de antemán polas molestias ocasionadas pola realización desta obra “tan necesaria e agardada por todos/as”, tal como subliñou o alcalde.

  •  Provisión postos de traballo
  • Portal de Transparencia
  • Acceso á Oficina Virtual Tributaria
  • Programación Inverno 2019-2020
  • Bonos sociais
  • O noso Entroido é o mellor
  • Vota polo Entroido de Ponteceso!
  • Promoción Turístico de Galicia
  • Servizo Nomalización Lingüística
  • Solicitude de visitas guiadas
  • Acceso á web da Biblioteca Municipal do Concello
  • Protección Civil
  • Cultura e deportes en imaxes
  • Liga Municipal de Fútbol Sala
  • Liga Municipal de Ping Pong
  • Liga Municipal de Tenis
  • Liga Municipal de Fútbol Sala Veteranos
  • Costa Bergantiñá
  • Inscrición en liña nas actividades do Concello
  • Servicio de alertas por sms
Concello de Ponteceso