Concello de Ponteceso Diputación da Coruña

CONCELLO DE PONTECESO

RSS

Concello :: Novas

O SERGAS REFORZARÁ O PAC CUN SEGUNDO MÉDICO DURANTE A CRISE SANITARIA POR UN EPISODIO DE GASTROENTERITE EN CORME

Un operativo coordinado polo concelleiro Faustino Santiago encargouse do reparto de auga embotellada en Corme

Un operativo coordinado polo concelleiro de Seguridade, Faustino Santiago, e do que formaron parte varios membros da corporación, entre eles o alcalde, Xosé Lois García Carballido, encargouse do reparto de auga embotellada á veciñanza de Corme, como medida preventiva ante a aparición dun episodio de gastroenterite que afecta a un bo número de veciños/as da localidade.

Despois do reparto, o alcalde dirixiuse ata o Punto de Atención Continuada (PAC), onde na xornada de hoxe foron atendidas 30 persoas polo mesmo motivo e houbo colas na sala de espera. García Carballido púxose en contacto coa xerencia de Atención Primaria para reclamar un segundo médico, e dende o Sergas confirmaron pouco antes das 20.00 horas que se reforzará o servizo mentres dure a crise.

Dende o Concello de Ponteceso insistimos na recomendación de non beber auga da traída en Corme, como medida preventiva.

Concello de Ponteceso